A familia de Rajoy apupada en Sanxenxo

A muller, os fillos e algúns familiares do presidente do Goberno Mariano Rajoy foron apupados mentres acudían a desfrutar da Praia de Silgar, en Sanxenxo, lugar tradicional de veraneo do máximo mandatario español; segundo relatan varias testemuñas.

Por Galicia Confidencial | Sanxenxo | 24/08/2012 | Actualizada ás 11:37

Son varias as persoas que xa o contaron aínda que ningún medio de comunicación deu conta do sucedido. E iso, a pesares de que algún xornalista informou ao seu director do acontecido. Foi hai dúas semanas, na segunda fin de semana de agosto e a escena foi un pouco embarazosa para a muller de Rajoy, diana dos abuchegos dalgúns bañistas.

Elvira Fernández baixaba acompaña dos seus fillos e familiares (algunhas fontes din que se trataba da dona e o irmán de Mariano Rajoy) á praia de Silgar, en Sanxenxo, lugar tradicional de veraneo do actual presidente español. Ao ser recoñecidos por algúns bañistas comezaron os asubíos e mesmo insultos. Incomodados pola situación, os apupados decidiron recoller as súas cousas e marchar da praia.

Habitual de Silgar

É a primeira vez que a familia de Rajoy se sinte incómoda nun lugar que coñecen moi ben e que visitan varias épocas do ano. Precisamente, Mariano Rajoy posúe un apartamento na céntrica rúa Progreso, moi preto da praia de Silgar, un dos seus lugares preferidos e que xa frecuenta desde que estaba solteiro e era presidente da Deputación de Pontevedra.

Pero este ano as circunstancias mudaron xa que, polo feito de ser presidente do Estado, as medidas de seguridade se incrementaron e mesmo recomendaron un lugar máis apartado do centro da vila --moi concorrida durante o verán-- para que todos os protocolos de seguridade funcionen adecuadamente. Algunhas fontes aseguran que Rajoy e a súa familia estiveron aloxados no chalé que o seu irmán, Enrique Rajoy, ten nas aforas de Sanxenxo. Outras apuntan a que nun pazo en Ribadumia. En todo caso, o certo é que os poucos días que o presidente español estivo en Sanxenxo non se aloxou no seu piso.

Rutina

Por iso, a rutina que Rajoy tiña no verán tivo que ser mudada; os paseos matutinos por Silgar, os pinchos na Taberna do Náutico, as compras polo centro da vila coa súa muller ou o café no Liceo Casino de Pontevedra. Con todo, e aínda que fora só por uns días, o xefe do Executivo Español aproveitou para desfrutar do sol e da auga das Rías Baixas.

25 pepero 100%

tenemos q hacer caso de todo lo q se lee..yo tambien puedo decir lo mismo pero q fue a rubalcava y familia y la gente creerlo..poner pruebas de ello antes de decir una noticia porque una cosa es q no haiga prensa y otra q nadie lo gravase en movil

24 agostodeldoce

Entendo, perfectamente a situación pola que atravesa España actualmente, pero o que non se debe perder nunca é a educación, aínda que os demais non se veñan a comportar como deberían facelo, nós non temos porque copiar esa mala imaxe, e sinceramente acosar a calqueira por moito que sexa un político ao non lle mostremos moita simpatía paréceme de moi mal gusto. Recórdobos, tamén, que o Goberno está formado por un presidente é uns ministros, e esta é só a imaxe, posto que os que de verdade gobernan son os que teñen por detrás. Ademáis, non é ético nin moral que se lle vaia a acosar a ninguén e moito menos da súa familia. Con isto, non pretendo posicionarme nin en contra nin a favor de ningún goberno senón que só dou unha opinión do que é a moralidade e o respeto, non fai falla recordar que a ningúen lle gostaría virse nesa situación. Aínda, que falar de moralidade é algo irónico posto que nin uns nin outros neste país saben o qué significa.

23 lugo

Sinceramente non me parece ben que asubíen a muller de Rajoy e moito menos cando vai con seus fillos (que son menores de idade), unha cousa é asubilao a el noutros escenarios pero xamais estando cos fillos o cal paréceme moi grave, igual de grave me parece que os chamados periodistas non informen do que lle acontece o presidente do goberno simplemente por "tapar"

22 Ricardo

A ver si de esta manera tan "directa" se entera de que lo está haciendo mal y que los recortes han de empezar por arriba y los primeros los de casa. ¡Marianoo! Espabila.