Por E.P. | SANTIAGO DE COMPOSTELA | 03/01/2020 | Actualizada ás 11:20
Un home duns 60 anos faleceu a noite deste xoves ao ser atropelado por un turismo no Paseo Marítimo de Rianxo (A Coruña), á altura do auditorio. O atropelo produciuse sobre ás 21:30 horas no Paseo da Ribeira, segundo informaron a Europa Press fontes dos Bombeiros de Boiro.
O 112 Galicia indicou que pasados dez minutos das 21:30 horas, a Policía Local informou o servizo de emerxencias do atropelo e, tras comunicar que a persoa estaba inconsciente, puxéronse os feitos en coñecemento de Urxencias Sanitarias de Galicia-061.
Tamén, os efectivos de Protección Civil foron informados polo 112 Galicia que, ao mesmo tempo, solicitou a colaboración dos Bombeiros de Boiro para a limpeza da vía. Como consecuencia do forte impacto, o home sufriu graves traumatismos. Tras máis de media hora de practicarlle a reanimación cardiopulmonar avanzada, os sanitarios personados no lugar unicamente puideron confirmar o seu falecemento.
En concreto, o 061 enviou ao lugar dúas ambulancias e persoal sanitario do Punto de Atención Continuada de Rianxo que confirmou o falecemento no lugar do home L.A.Ou., de 60 anos, a pesar dos esforzos do equipo sanitario. Axentes da Garda Civil de Tráfico e da Policía Local de Rianxo fixéronse cargo da investigación para tratar de determinar as circunstancias nas que se produciu o atropelo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.