A Xunta ve "oportunista" o discurso de Sánchez sobre a recuperación do Pazo de Meirás pero agradece que "se some"

O conselleiro de Cultura e Turismo, Román Rodríguez, asegura que "xa está todo feito" sobre este patrimonio.

Por Europa Press / Redacción | SANTIAGO DE COMPOSTELA | 05/01/2020 | Actualizada ás 14:22

Comparte esta noticia

O conselleiro de Cultura e Turismo, Román Rodríguez, dixo ver "un pouco oportunista" a parte do discurso de investidura do presidente en funcións, Pedro Sánchez, respecto diso da recuperación do Pazo de Meirás de Sada (A Coruña), porque "xa está todo feito".

Pazo de Meirás (Sada) na Coruña propiedade dos herdeiros de Francisco Franco. EUROPA PRESS - Arquivo
Pazo de Meirás (Sada) na Coruña propiedade dos herdeiros de Francisco Franco. EUROPA PRESS - Arquivo | Fonte: Europa Press

"Simplemente hai que, por parte do Estado, defender as formulacións xurídicas para que o ámbito xudicial lle dea a razón" e que este patrimonio, actualmente en mans dos herdeiros de Francisco Franco, pase a patrimonio público.

Así o manifestou Rodríguez antes de participar no Cemiterio de Boisaca, en Santiago de Compostela, na ofrenda floral a Valle-Inclán con motivo do 84 aniversario do seu falecemento.

Preguntado sobre as palabras de Sánchez no seu discurso de investidura, no que apostou por recuperar este inmoble "canto antes", o conselleiro agradeceu que "se some á iniciativa e a folla de ruta que se fixou no Parlamento de Galicia e se está executando desde a Xunta" para que este pazo, distinguido como ben de interese cultural (BIC), pase a titularidade pública.

Neste sentido, Román Rodríguez lembrou que a Avogacía do Estado demandou o pasado mes de xullo aos Franco, o que propiciou un proceso xudicial no que tamén a Xunta se presentou.

Ademais, explicou que os galegos teñen "moi claras" dúas cousas: "A primeira, que o Pazo de Meirás ten que pasar a formar parte do patrimonio público e, segundo, que non se debe pagar dúas veces. Non debemos achegar recursos económicos públicos á familia Franco".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 smart

Me recuerda a Adolfo Suárez, que cuando estaba en el CDS quería rebasar al PSOE por la izquierda... Sobreactúa.