Galicia aumentou o número de turistas un 26% en dez anos
Feijóo destaca que o 2019 foi un ano "excepcional".
Por E.P. | SANTIAGO DE COMPOSTELA | 15/01/2020 | Actualizada ás 14:02
O número de viaxeiros que chegaron a Galicia entre os anos 2009 e 2019 incrementouse un 26 por cento. Así o avanzou este mércores o presidente galego, Alberto Núñez Feijóo, tras a firma do convenio de patrocinio do Xacobeo 2021 con Vegalsa-Eroski.
Feijóo aproveitou o acto, celebrado na Cidade da Cultura, para avanzar esta cifra do balance da actividade de promoción turística de Galicia en 2019, que será avaliado este xoves na reunión semanal do Consello da Xunta.
Na súa intervención, remarcou que as cifras que analizará o Executivo na súa reunión desta semana evidencian que 2019 foi un ano "excepcional" que "consolida" as melloras da última década.
Tamén salientou a "oportunidade" que supón o próximo Xacobeo 2021, apelou a convertelo "nun proxecto de país" e, tras agradecer a implicación de empresas como Vegalsa-Eroski cos seus patrocinios, urxiu que o Goberno central "concretar" a súa colaboración.
