Néstor Rego leva ata o Congreso as discriminacións ao galego na Administración
O deputado do BNG remite a queixa dunha cidadá que non puido realizar trámites en galego no Rexistro Civil.
Por Europa Press / Redacción | SANTIAGO DE COMPOSTELA | 16/01/2020 | Actualizada ás 13:35
O BNG leva ao Congreso dos Deputados unha queixa transmitida por unha cidadá pola imposibilidade de realizar trámites en galego no Rexistro Civil. En concreto, a muller denunciou que nas oficinas carecen de documentación en lingua galega e que a tradución suporía unha demora de 15 días no trámite.
O deputado Néstor Rego lembrou a obrigación da Administración pública de garantir o "dereito" dos cidadáns a ser atendidos na lingua oficial da súa elección.
Así mesmo e tras insistir en que o acordo de investidura subscrito co PSOE figuraba o compromiso de normalizar o galego neste ámbito, o último informe do comité de expertos do Consello de Europa sobre a Carta Europea de Linguas Rexionais ou Minorizadas advertía do incumprimento neste sentido por parte dos poderes públicos do Estado.
