A lei de ordenación do territorio nucleará o primeiro pleno do ano
Pedro Puy (PPdeG) levará a próximas sesións a débeda do Goberno, a chegada do AVE, o traspaso da AP-9 ou o estatuto das electrointensivas.
- Galicia sitúase á vangarda na protección do dereito á auga fronte a secas e alertas sanitarias
- A Xunta quere vender paisaxe galega pero evitar falar sobre a mina de Touro ou o vertedoiro de Casa Longa
Por E.P. | SANTIAGO DE COMPOSTELA | 20/01/2020 | Actualizada ás 18:03
O portavoz parlamentario do PPdeG, Pedro Puy, avanzou a previsión de que no próximo pleno se proceda ao debate de totalidade do proxecto de Lei de Ordenación do Territorio de Galicia, "unha normativa máis simple, útil, eficiente e práctica, que por unha simplificación administrativa, tanto do número de figuras como no procedemento da súa tramitación".
Asimisimo, Puy incidiu que o Grupo Popular levará ás próximas sesións plenarias "a ampla cantidade de problemas incluídos na 'Axenda Galicia' aprobada polo Goberno galego, que arrastramos como consecuencia das circunstancias políticas estatais".
En concreto, os populares darán impulso á demanda de que o Goberno pague "a débeda de 370 millóns de euros" que ten con Galicia e tamén a outras cuestións "importantes", como a chegada do AVE, o traspaso da AP-9 e as rebaixas das súas peaxes, o estatuto das electrointensivas ou unha transición enerxética "xusta".
Finalmente, Puy informou de que na reunión de grupo deste luns xa participou a nova deputada Ana Belén García Vidal, que substitúe á exconselleira Beatriz Mato. Natural de Bergondo e residente en Noia, García Vidal é licenciada en Filoloxía Hispánica pola Universidade de Santiago de Compostela (USC) e foi concelleira en Noia entre 2015 e 2019.
