Por E.P. | MADRID | 25/02/2020 | Actualizada ás 13:24
O presidente da Xunta de Galicia, Alberto Nuñez Feijóo, está usando, agora, o traspaso de competencias a Cataluña e Euskadi como argumento electoral, cando nos case doce anos que leva no goberno de Galicia bloqueou e desatendeu calquera traspaso a Galicia.
Así, este martes denunciou que o Goberno debaterá un concerto sobre un acordo fiscal con Cataluña na mesa de negociación que se celebrará este mércores coa Generalitat en prol de "romper" o sistema de financiamento autonómico a favor desta comunidade.
Así o expresou durante a súa intervención nun almorzo informativo no que tamén asistiu o presidente do PP, Pablo Casado. Feijóo reiterou que o Executivo debaterá sobre isto nunha reunión bilateral, no canto de facelo no Consello de Política Fiscal e Financeira, ao que o vicepresidente da Generalitat, Pere Aragonès, non acudiu.
Nun contexto no que as comunidades autónomas están a presionar ao Goberno para unha reforma do financiamento autonómico, Feijóo censurou que o Executivo liderado por Pedro Sánchez celebre unha mesa de diálogo cos independentistas cataláns que, ao seu xuízo, irá en detrimento de outros territorios.
TRANSFERENCIA DA SEGURIDADE SOCIAL A EUSKADI
Outros dos temas de actualidade que coparon este coloquio con Feijóo foi a transferencia da Seguridade Social ao País Vasco. Neste sentido, Feijóo criticou que se negocie co Executivo vasco unha transferencia que é competencia exclusiva do Estado.
"Non se pode negociar o innegociable", subliñou o presidente galego que asegurou que non fará a mesma reclamación que os nacionalistas vascos porque, ao seu xuízo, esta transferencia da Seguridade Social supón a "desvertebración" do Estado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.