Buscan con drones un octoxenario desaparecido o sábado en Boimorto
O home, do lugar de Romelas, foi visto por última vez por unha veciña, sobre as 20,00 horas do sábado, indicou o 112.
Por Europa Press / Redacción | SANTIAGO DE COMPOSTELA | 02/03/2020 | Actualizada ás 15:52
O equipo de drones da Axencia Galega de Emerxencias (Axega) colabora coa Garda Civil na procura dun octoxenario desaparecido desde a noite deste sábado en Boimorto (A Coruña).
Segundo informou o 112, o Centro Integrado de Atención ás Emerxencias (CIAE) tivo coñecemento do sucedido ás 00,15 horas do domingo mediante a chamada dun particular que informaba da desaparición do home.
O alertante explicou que o home desaparecido, do lugar de Romelas, foi visto por última vez por unha veciña, sobre as 20,00 horas do sábado, indicou o 112.
Con esta información, por parte do 112, pasouse aviso á Garda Civil, que activou un operativo de busca e ao que, ademais dos drones da Axega, sumáronse voluntarios de Protección Civil de Boimorto e de Arzúa.
