Por Galicia Confidencial | Compostela | 22/10/2012 | Actualizada ás 00:28
Feijóo ve que a súa vitoria sería "imposible" se a xente "non entendese" que se goberna con responsabilidade"
O reelixido presidente da Xunta, Alberto Núñez Feijóo, presumiu e, moito, de goberno na súa comparecencia para agradecer aos galegos que lle renovaran a súa confianza tras ampliar a súa maioría absoluta de 38 a 41 deputados, a pesares de baixar un punto e medio e deixar 150.000 votos con respecto a hai catro anos.
"Foi unha victoria clara e limpa", dixo sobre os seus resultados acompañado do seu número dous no PP galego, Alfonso Rueda, e de Pedro Puy, outro dos seus 'homes fortes' no partido.
A crise
Feijóo insistiu en que os grandes resultados do seu partido se deben a súa xestión estes máis de tres anos e medio e por iso dixo que o seu grande obxectivo será "axudar a Galicia a saír da crise". Por iso, o seu primeiro "recordo" foi para os parados e quen sofren "especiais dificultades" pola crise.
Por iso, garantiu que vai "traballar" para estar "á altura das circunstancias" e da "confianza" que lle outorgaron os galegos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.