En Marea podería arrebatar un deputado ao PSOE na Coruña
Este sería o único cambio no país este 26X respecto aos resultados do 20D.
Por Galicia Confidencial | Santiago | 26/06/2016 | Actualizada ás 20:28
A enquisa das televisións autonómicas e de TVE inclúe datos desagregrados para o país. En Galicia o PP tería dez escanos os mesmos que o 20D, En Marea entre sete e seis escanos superando aos socialistas, PSdeG-PSOE entre cinco e seis e Ciudadanos mantería o escano que ten por Pontevedra.
O escano en xogo está na provincia da Coruña, onde podería perdelo o PSOE a favor de En Marea. O BNG volvería a quedar fóra do Parlamento. O PP tería 3 escanos nesta provincia e Ciudadanos 1 por Pontevedra.
Goretti Sanmartín xa compareceu para dar a valoración do BNG. Con todo, a membro da Executiva do Bloque só indicou o seu agradecemento aos que colaboraron na campaña. Polo de agora, todas as enquisas deixan fóra aos nacionalistas.
Con estes resultados, nunhas autonómicas o PP tería moi complicado ter unha maioría absoluta. En Marea lideraría unha hipotética alternativa.
