As memorias de Touriño defenden os pactos

O libro de pensamento político do ex-presidente argumenta que "sen unha confluenza histórica entre a socialdemocracia galeguista e o nacionalismo democrático non hai posibilidades ningunha de construir unha alternativa política crible diante da dereita". Primeiro capítulo gratis no interior.

Por Galicia Confidencial | Santiago | 08/11/2012 | Actualizada ás 20:52

A partir da próxima semana empeza a distribución en librerías de O futuro é posible, libro de memorias políticas de Emilio Pérez Touriño, expresidente da Xunta de Galicia e exsecretario xeral do Partido Socialista de Galicia-PSOE.

Emilio Perez Touriño (A Coruña, 1948) reúne en arredor de 480 páxinas semblanzas e información documentada da súa experiencia política, tanto como secretario xeral do PSdeG-PSOE dende 1998, posto no que substituíu a Francisco Vázquez, como na súa condición de presidente da Xunta de Galicia entre agosto de 2005 a marzo de 2009, ao frente dun goberno constituido polo PSdeG-PSOE e o Bloque Nacionalista Galego.

Este goberno é o centro da reflexión e do relato, que se remonta ao proxecto socialista e galeguista que Pérez Touriño inicia coa súa chegada á secretaría xeral do PSdeG-PSOE, cargo que abandona logo do fracaso electoral do 2009. Como curiosidade, o ex-líder socialista nunca se refire a este Executivo como bipartito

Galaxia explica que é en certa maneira é un libro de memorias políticas, que atinxen ese período (1998-2009), mais tamén "un libro de ensaio e reflexión, mesmo de propostas concretas cara ao futuro, algo que lle dá sen dúbida unha grande actualidade".

A tese básica sobre a que se sostén o discurso do autor é que "sen unha confluenza histórica entre a socialdemocracia galeguista e o nacionalismo democrático non hai posibilidades ningunha de construir unha alternativa política crible diante da dereita".

¿En que medida o goberno bipartito ensaiou ou queimou ese camiño? ¿En que cousas acertou e en que cousas, en opinión do autor, fracasou?, son cuestións que aborda o ex-presidente.

O libro chega nun intre no que o PSdeG ten aberto un debate sobre o seu futuro tras o fiasco electoral do 21-0, cando perdeu máis do 40 por cento dos votos.

Editorial Galaxia presentará o libro, co autor e o ensaísta Ramón Maiz, o próximo día 22 de novembro (xoves), ás 19:30 h, no salón de actos do hotel Araguaney de Santiago de Compostela.

A partir de agora, e a xeito de promoción, na páxina web de Galaxia os interesados poderán descargar gratuitamente o primeiro capítulo do mesmo, salientado como o Libro do Mes.

5 Mala memoria Tou

Ten mala memoria este señor ou fala do que non sabe. O'Beiras non quixo facer unha moción de censura a Fraga cando o do prestige igual que Touriño. Viuse obrigado pola malvada upegá. El daquela estaba no proceso de diálogo con Donmanuel.

1 saña

Si sempre e malvada a UPG, os "inmaculados" ben que se aproveitaron e aproveitan do seu traballo

2 cagadoiro

E a CIG pedindolle subvencions mentras criticaba a Beiras. Beiras facia o que mandaba quen manda, a UPG. Moitas cousas se negocian

4 Xelo

O que fallou no Bigoberno foi o BNG. Perder un deputado supuxo que a Xunta fose para o PP e que centos de mantidos do BNG( Carrumeiros,Antón Tenreiro, etc) quedasen sen teta que mamar

1 ssss

Xelo abre os ollos, o que fallou foi a traicion e navalladas trapeiras que nos deu o Psoe polas costas. As consellerias do BNG, rexentadas por militantes da UPG, hai que decilo ALTO E CLARO, foron as que mellor funcionaron e as que tiveron mellor acollida na sociedade, outra cousa e que con certos "elementos" internos non se deberia ir nin a tomar o sol, e nesto vai impliciata unha autocritica, asi como ir de ganchete do Psoe non nos favorece en nada. Saude

2 Xelo

O Conselleiro de Industria que quería vender Astano a Barreras, convertendo nun estaleiro privado que hoxe estaria pechado e cos seus traballadores despedidos, que legalizou as louseiras do Courel, que apoiou a Reganosa, funcionou ben?. Que perdeu o deputado que lle deu a maioría absoluta ao PP, o Psoe ou o BNG?

3 ssss

Xelo, Astanoe Barreras estan traballando o 100%? as eolicas estan funcionandon a pleno rendimento,Reganosa funciona mal? non se crearon postos de traballo? a politica industrial foi mellorada polo PP? Xelo, que non te cegue o teu ideoloxismo de chancleta

4 Chatarrelo

Astano está na practica pechado a dia de hoxe. O bigotón que di esto simpatiza con IU que apoia ENCE e a regasificadora de Gijón. Simplemente quere intoxicar contra o BNG e cuspe para arriba

3 xos

Buf, que saudadade, mira que existía a Touripedia, que era un pouco frouxo, que tal ou cual, pero quen me dera que seguira de Presidente de Galicia, en coalición co Bloque. Hai que empezar a reivindicar o bipartito, que non foi tan malo, que cando menos se vivía con dignidade, e que fixo cousas boas, porque a dereita e os seus medios sempre nos convencen de que foi horrible toda etapa en que non gobernaran eles.

1 Outro carballés

Sacáchesmo da boca....e o problema é que o permanente recurso a dicir que o bipartito foi un desgoberno foi cociñado por uns poucos e asumido coma verdade infalible por moitos.

2 Marquiños

Touriño perdeu o goberno porque non controlou a TVG. Estaba chea de pepeiros. Tiña que aprender dos de agora. Por que GC non informa dos chanchullos da telegaita? Acaban de contratar a dedo á filla do presidente do Tribunal das oposicións como premio por meter a tódolos afíns a Feijoo.

1 Sra. de Fernández

Ti tes pinta de ser un crack do que ningún medio pode prescindir. Supoño que terás un contrato blindado multimillonario coa Voz, o Faro ou El País ¿ou non?

1 carballo

Ese é o camiño, cando nos recuperemos desta crise, debemos procurar un estado social, desbotando o despilfarro e os megafastos, as politicas clienterais, o pesebrismo de outra hora etc, xa nos entendemos, baixo o manto da nación galega, aínda podremos rectificar.

1 Outro carballés

Encántame a parte que di....."baixo o manto da nación galega".

2 carballo

Jajaja, é que os bergantiñans levamos un bardo dentro, emulando o senlleiro Pondal, fixate en Coiro que o outro día me deixou abraiado, e ata debe de ter un punto bergantiñan "fóra do pais dos ananos" ,que gosta da regueifa coma nós.

3 Outro carballés

Coiro tén que ser, cando menos, de A Laracha ou Coristanco. Aínda que co guerreiro que leva dentro ben puido nacer en Cabana, pretiño do Dolmen de Dombate.