Os positivos en residencias medran un 11,4%, ata os 657 usuarios e 232 traballadores

A cifra de casos positivos de coronavirus en residencias de maiores volveu crecer ao longo do domingo, un 11,4%, o que significa un aumento de 68 contaxios entre os usuarios, que suman 657; e de 23 entre os traballadores, ata os 232 en total.

Segundo o balance ofrecido este luns pola Consellería de Política Social, con datos actualizados a última hora do domingo, os casos confirmados de COVID-19 repuntan ao crecer un 11,4%, un cinco puntos máis que o crecemento do sábado (+6,7%).

Así, dos 68 novos contaxios entre os anciáns, a gran maioría (42) detectáronse na DomusVi de San Lázaro, en Santiago de Compostela, que conta agora cun total de 85 infectados. Ademais, ao longo do domingo confirmáronse 17 novos casos de COVID-19 na residencia Francisco José Otero, que suma un total de 22.

A maiores, aumentaron ata 8 (+5) os maiores infectados na residencia Fogar Bellolar da Coruña; ata 14 (+7) os da residencia de Castro Caldelas; e ata 3 (+2) os do Fogar Nosa Señora do Carme de Fisterra.

Os principais focos de contaxios en residencias da terceira idade continúan sendo os centros da nosa Señora da Esperanza en San Rosendo, cun total de 106 casos e oito falecidos no propio edificio e no ámbito sanitario; e a DomusVi de Aldán, en Cangas, que a última hora do domingo contaba 102 positivos en COVID-19 e 11 usuarios falecidos.

O resto de centros manteñen os infectados rexistrados ata agora --tras restar os falecidos--: 64 na DomusVi Barreiro de Vigo; 41 en San Carlos de Celanova; 37 no Portazgo da Coruña; 22 na da nosa Señora de Fátima do Barco de Valdeorras; 17 na Concepción Arenal da mesma cidade; 17 na San Pedro de Crecente; 15 na Moledo de Vigo; outras 15 no CRAPD da cidade olívica; 14 na DomusVi Matogrande da Coruña; e 10 na Claudina-Somoza.

Tamén contan con positivos as residencias de Arteixo (1), a de Narón (1), a das Fragas de Pontedeume (4), Súa Casa de San Sadurniño (1), Castro de Rei (2), a DomusVi de Chantada (1), a de Foz (5), a Virxe da Luz de Monforte (1), a DomusVi Monforte (2), a residencia Betania de Viveiro (2), a de Lecer Avoíños de Coles (1), Galisenior de Ourense (3), DomusVi Pereiro de Aguiar (1), Ramirás (1), Vilaboa (3) e Bela Vista Care de Nigrán (1).

AUMENTO EN TRABALLADORES

Por outra banda, á vez que aumenta a cifra de maiores afectados tamén crece a de traballadores dos propios centros. Desde o domingo contabilizáronse 23 casos novos nos persoais, ata os 232 en total.

Os principais focos entre os empregados están na residencia A nosa Señora da Esperanza de Ourense (34), a DomusVi San Lázaro (30), Divino Mestre de Ourense (19), O Portazgo (18), San Carlos de Celanova (18) e DomusVi Cangas (17).

A estes súmanse casos en San Pedro de Crecente (13), na Moledo de Vigo (12), na Claudina-Somoza (7), a de Foz (7), DomusVi Monforte (5), Concepción Arenal da Coruña (4), Nosa Señora de Fátima do Barco (4), a de Castro Caldelas (5), a San Jose Hermanitas de Ourense (3), a de Burela (2), a Avime de Cospeito (2), Os Gozos de Pereiro de Aguiar (2), e no CRAPD de Vigo (2).

Así mesmo, contan con casos individuais Fogar Bellolar, a residencia de Melide, a San Simón de Teo, a San José Otero de Santiago, a de Silleda, Castro de Rei, DomusVi Chantada, nas Gándaras de Lugo, na Milagrosa de Lugo, en Betania Viveiro, en San Rafael de Mondoñedo, na Alvetus de Avión, na de San Rosendo de Vigo e na de Beade, tamén en Vigo.

CASOS CONFIRMADOS EN CENTROS DE DISCAPACITADOS

Os casos confirmados de COVID-19 en centros de discapacitados de Galicia creceron levemente durante o domingo e mantéñense nun total de 90. En concreto, estas instalacións contan con 50 usuarios contaxiados, un máis con respecto ao sábado; e 40 traballadores, tamén un máis.

Segundo os datos da Consellería de Política Social actualizados a última hora do domingo, como principal foco segue o CAPD de Redondela, que se mantén con 31 usuarios con COVID-19.

O único centro que variou a cifra de positivos por coronavirus é o CAPD de Sarria, que subiu de 7 a 8 infectados, mentres que no resto non aumentaron: 4 en Amicos de Boiro, 3 na Residencia Dano Cerebral Cruz Vermella de Castro de Rei, 2 en Santa Cruz San Rosendo de Ourense, un en Aspronaga A Coruña e outra en Aixiña, en Ourense.

En canto aos traballadores, durante o domingo tan só se rexistrou un novo caso no centro de DomusVi de Bóveda, que agora conta con 2 confirmados.

Ademais, hai 18 empregados no CAPD de Redondela, 11 no de Sarria, 2 en Aixiña de Ourense e casos individuais no CAPD A Coruña, a residencia Coral Seoane de Ferrol, a Souto de Leixa tamén en Ferrol, na Amicos de Boiro, en San Vicente de Paúl de Lugo, na Vivenda Tutelada Ágora de Monforte e no APAMP de Vigo.