Cápsulas de café galegas e de comercio xusto

Cafés Candeas acaba de ampliar a gama de cápsulas Selectum, compatibles con cafeteiras tipo nespresso, co lanzamento de tres novas variedades: Supra, Supra Descafeinado e Impulso. Con estas novas cápsulas ponse a disposición dos consumidores unha ampla variedade de café de gran calidade.

As novas variedades de Supra e Supra Descafeinado son un café de alta gama que se caracteriza pola súa ampla riqueza aromática e o seu punto xusto de acidez. Unha variedade excepcional pensada para os amantes do café, os padais máis exquisitos, que se ofrece tamén na versión descafeinada pensada para os que queren gozar dun bo café pero sen cafeína.

Á liña de cápsulas Selectum de Cafés Candelas únese tamén a nova variedade Impulso, un café de alta intensidade aromática e gran corpo que se caracteriza polo seu toque afrutado. Coa variedade Impulso prepárase un café coa forza que buscan os auténticos amantes desta bebida.

A estas tres novas variedades de Selectum únense as cápsulas de Comercio Xusto, comercializadas recentemente e que forman parte da liña de produtos coa certificación Fairtrade. Estas son as primeiras cápsulas do mercado español compatibles con nespresso que dispón do selo de Comercio Xusto. Un café de alta gama seleccionado entre as mellores variedades do mundo que ofrece como valor engadido un selo que garante condicións de traballo xustas para os produtores de café dos países do Sur.

Coa incorporación destas novas cápsulas a liña Selectum componse agora de oito variedades de café: Euforia, Harmonía, Passión, Serenidade, Supra, Supra Descafeinado, Comercio Xusto e Impulso.

As cápsulas da liña Selectum están dispoñibles na web da tenda on line de Cafés Candeas: www.tiendacandelas.com, e na maior parte dos lineais das grandes cadeas de alimentación.