Por Europa Press / Redacción | SANTIAGO DE COMPOSTELA | 03/05/2020 | Actualizada ás 13:09
Un total de 41 usuarios de residencias de maiores recibiron o alta durante a pasada xornada despois de superar o coronavirus, polo que a cifra de infectados neste tipo de centros diminuíu ata os 541.
Ademais, a Consellería de Sanidade tamén informou que outro cinco traballadores destas instalacións, 1 usuario dun centro de atención a persoas con discapacidade e un empregado máis tamén se recuperaron.
Desta maneira, o número total de contaxiados por coronavirus nos centros de atención á terceira idade e de persoas con discapacidade sitúase en 919, entre empregados e residentes.
A residencia Galisenior (Ourense) contabilizou 24 altas de usuarios nas últimas horas, mentres que outras 8 foron na DomusVi San Lázaro, 5 en Fogar Bellolar, tres na nosa Señora de Fátima (O Barco de Valdeorras) e unha en Castro Caldelas.
IMPORTANTES FOCOS
A pesar das novas altas, segue habendo unha gran cantidade de persoas infectadas en centros residenciais galegos. A maioría están na nosa Señora da Esperanza (72).
Tamén contan con grandes grupos de residentes infectados a DomusVi Barreiro, en Vigo (47), a DomusVi Cangas (46), a San José Hermanitas de Ourense (36), San Pedro de Crecente (33), Divino Mestre (29) e a DomusVi San Lázaro de Santiago (26).
TRABALLADORES
En canto aos empregados recuperados, catro deles son da residencia Galisenior e un de DomusVi Barreiro. Despois, nos centros de atención para persoas con discapacidade contabilízase a curación dun traballador de Centro de Atención á Discapacidade Física do Imserso (Ferrol).
Aínda así, os casos activos no persoal de residencias de maiores mantense en 262 e na de centros para persoas con discapacidade en 40.
Respecto dos usuarios destes últimos, só rexistrouse a recuperación dun deles no centro de Aspronga, da Coruña, polo que o número de casos activos sitúase en 76.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.