Simón contundente contra as críticas dalgúns partidos: "Os criterios da desescalada son sanitarios, non económicos"
Di que as CCAA saberán se cambian de fase entre o venres noite e o sábado
Por Europa Press / Redacción | MADRID | 07/05/2020 | Actualizada ás 12:43
O director do Centro de Coordinación de Alertas e Emerxencias Sanitarias do Ministerio de Sanidade, o doutor Fernando Simón, anunciou hoxe que as comunidades autónomas que cambién de Fase saberano entre o venres pola noite e o sábado. A data prevista para pasar da Fase 0 actual á Fase 1 é o próximo 11 de maio.
Fernando Simón, quen deixou claro que a decisión última será do ministro de Sanidade, Salvador Illa, explicou que haberá un informe específico de cada unha das rexións, que cre que se fará público, no que se precisen os criterios que se utilizaron e a valoración que se fixo deles no seu conxunto.
Pero a capacidade de detección e seguimento dos novos contaxios, así como o número de camas UCI e de camas para enfermos de coronavirus terán gran peso nestas decisións. Aínda que para cidades como Madrid, onde a mobilidade é un factor importante, tamén haberá un informe do Ministerio de Transportes.
No entanto, o doutor Simón deixou claro que os criterios serán sanitarios e non económicos, ao ser preguntado pola posibilidade de que a principal urxencia que pesou en Madrid para pedir o cambio de fase poida ser económica. "Os criterios sanitarios para pasar de fase son sanitarios, non económicos. Os criterios económicos teraos que dar quen corresponda e teranse que valorar se pesan mais ou non que os sanitarios noutros grupos que non son aqueles en os que eu participo", remachou.
