Knitbrary Chritsmas Store
Yolanda Estévez e Pedro Castellanos son os fundadores de Knitbrary, un novo Estudo de moda que se vén de abrir na Coruña.
Por GC Tendencias | A Coruña | 26/12/2012 | Actualizada ás 09:56
Este nadal KNITBRARY (www.knitbrary.com) abre o seu estudo da Coruña ao público para presentar a súa colección.
Pezas de punto intencionadamente simples, sen pretensións, que resaltan a beleza inherente ás fibras naturais e o carácter único que lles confire o traballo manual. Ademais, contarán cunha coidada selección de xoias e cerámica da deseñadora Helena Rohner (www.helenarohner.com.es).
Pezas recoñecibles a simple vista pola sinceridade e a forza do seu deseño e a orixinal combinación de materiais que se traducen en beleza en estado puro.
O espazo estará decorado con pezas de UnDo ReDo (http://undoredo17.wordpress.com), cadeiras e mobles icónicos do século XX repetuosamente recuperados conservando a pátina que lles conferiu o paso do tempo.
Knitbrary christmas store
Ata o 05 de Xaneiro.
R/ Orzán 33 baixo, A Coruña
