Colas en Ourense en pleno confinamento para recibir un libro gratis de mans do alcalde

Foi o xeito que tivo Gonzalo Pérez Jácome de celebrar o Día das Letras Galegas regalando 2.700 libros de gobernos anteriores do PSOE.

Por Europa Press / Redacción | OURENSE | 17/05/2020 | Actualizada ás 18:52

Comparte esta noticia

O alcalde de Ourense, Gonzalo Pérez Jácome, realizou un acto nas rúas ourensás o Día das Letras Galegas para repartir un total de 2.700 libros a "centos de persoas" que gardaron cola "para poder facerse cunha destas publicacións".

O primeiro edil, o concelleiro de Cultura, Mario González, e outros responsables do equipo do goberno local foron os organizadores do acto, que se celebrou fronte ao antigo edificio do Banco de España.

Alí, o Concello montou unha mesa que cubriu de libros. Ante ela "pasaron varios centenares de persoas", asegurou Jácome en declaracións aos medios de comunicación. O acto "foi todo un éxito" que conseguiu que "os libros cumpran o seu labor vital e o seu labor vital é que acaben en mans do lector", engadiu.

Ademais, o alcalde tamén insistiu en que "houbo colas para recoller libros" e isto significa unha "importante resposta popular", sobre todo "tendo en conta a situación" de estado de alarma na que se atopa o conxunto do Estado.

A pesar de que ese mesmo motivo levou á oposición a criticar esta forma de celebración, Jácome asegurou que "se cumpriron todas as medidas de seguridade para evitar aglomeracións e que todo discorrese con normalidade".

Por outra banda, o líder de Democracia Ourensaba puxo de manifesto que os libros repartidos pertencían a un fondo que "gobernos anteriores, principalmente do PSOE, tiñan escondidos baixo sete chaves".

As colas que provocou o acto do Dia dás Letras Galegas no concello de Ourense para a recollida de libros repartidos polo alcalde da cidade, Gonzalo Pérez Jácome. CONCELLO DE OURENSE
As colas que provocou o acto do Dia dás Letras Galegas no concello de Ourense para a recollida de libros repartidos polo alcalde da cidade, Gonzalo Pérez Jácome. CONCELLO DE OURENSE | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta