Aparece a moza de Brión de 16 anos desaparecida desde o domingo
Foi localizada soa por unha patrulla e, en principio, toda apunta a unha marcha voluntaria.
Por Europa Press / Redacción | SANTIAGO DE COMPOSTELA | 18/05/2020 | Actualizada ás 18:56
A moza de 16 anos desaparecida desde este domingo da localidade de Brión foi localizada en "perfecto estado" nun comercio deste municipio, segundo informa a Benemérita. En concreto, explica que a localizou unha patrulla "soa" e que "en principio" toda apunta a unha marcha voluntaria.
A Garda Civil, que agradeceu a colaboración cidadá, abrira unha investigación para tratar de localizar a menor, Ariadna Ares García, que faltaba do seu domicilio desde este domingo.
Segundo relataron fontes do Instituto Armado, os investigadores apuntaron a que "se foi de forma voluntaria", pero que se descoñecía se se fora con alguén, polo que as pescudas dirixíronse neste sentido.
A familia foi a que denunciou na mañá deste luns a desaparición da moza no Posto da Garda Civil en Brión tras descoñecer ao paradoiro da moza desde as 20,00 horas deste domingo. Nas pescudas abertas colaboraron axentes da Garda Civil de Brión e de Santiago de Compostela.
