Seguen baixando os afectados por COVID-19 en residencias galegas: 33 usuarios e 33 traballadores
Nas últimas horas deuse o alta a tres usuarios de centros xeriátricos
Por Europa Press / Redacción | Santiago de Compostela | 02/06/2020 | Actualizada ás 13:44
O número de casos de COVID-19 nas residencias de maiores de Galicia segue á baixa e, segundo os datos trasladados pola Consellería de Política Social, rexístranse 33 usuarios e 33 traballadores afectados.
Nas últimas horas deuse o alta a 3 usuarios de centros xeriátricos (dous da residencia San José Hermanitas de Ourense, e un da residencia DomusVi de Ourense) e a un traballador da residencia Santa Teresa Jornet.
Con esta última actualización, a residencia Santa Teresa Jornet da Coruña segue sendo o centro de maiores con máis afectados, 20; mentres que nas residencias de DomusVi Matogrande e Caser A Zapateira teñen 3 casos cada unha; hai dous usuarios afectados no Portazgo; e un caso en cada unha das residencias restantes afectadas (Fogar Bellolar, Concepción Arenal, Fundación José Otero, DomusVi San Lázaro e CRAPD I de Vigo).
Con respecto aos traballadores dos centros xeriátricos, nas últimas horas recibiu o alta un empregado da residencia Santa Teresa Jornet, e o número total de casos de COVID-19 baixou a 33.
O centro con maior número de traballadores afectados é o da nosa Señora da Esperanza de Ourense, con 11 casos; na residencia Santa Teresa Jornet hai 5 traballadores afectados; e 4 casos en Fundación San José Otero e en San José Hermanitas de Ourense.
CENTROS DE ATENCIÓN A DISCAPACITADOS
Nos centros de atención a persoas con discapacidade rexistrouse o alta dun usuario do CAPD de Redondela e dun nas vivendas Aspronaga, polo que o total de afectados redúcese a 3: dous na residencia DomusVi Bóveda e un no centro Amicos de Boiro.
O número de traballadores afectados nestes centros non variou, e mantense en 6: 2 en Santa María-San Rosendo, e un en cada un dos centros restantes (CAPD da Coruña, residencia Amicos, DomusVi Bóveda, e Monterrei-San Rosendo).
