Un novo modelo de oposicións que dependa "das competencias" e non "da sorte"

A presidenta da Deputación de Pontevedra, Carmela Silva, e o vicepresidente da institución, César Mosquera, compareceron este venres en rolda de prensa para anunciar a súa intención de modificar o sistema de oposicións para premiar as competencias e non a memorización para que a selección de persoal "non dependa da sorte" do exame que "toque".

Carmela Silva explicou que este proxecto nace de "un estudo moi profundo" e "moi ben argumentado" que, apunta, servirá será "tomada como referencia" por outras administracións locais.

Mosquera admitiu que nos últimos anos avanzouse na equidade no acceso ao traballo público. "Estamos mal", advertiu en relación aos procesos selectivos porque son probas "terriblemente memorísticas", abundou, non adaptadas ao perfil de competencias. Por iso avoga por un proceso "moito máis rigoroso, máis científico e ecuánime".

BASES

A Deputación de Pontevedra contratará a dúas persoas, que serán funcionarios interinos, para que durante tres anos redacten unhas bases, asesoren aos concellos e tribunais de oposición e elaboren material para que os procesos selectivos melloren.

Oposicións