Os farmacéuticos alertan: "a máscara non protexe contra a radiación solar, hai que botar crema"
Non recomendan empregar protectores de anos pasados xa que "poden ter perdido as súas propiedades"
Por Europa Press / Redacción | SANTIAGO DE COMPOSTELA | 18/06/2020 | Actualizada ás 12:26
O Colexio oficial de Farmacéuticos da Coruña (COFC) advirte da necesidade seguir empregando crema solar baixo a máscara protectora xa que o tecido desta non impide o paso da radiación solar. Nunha campaña de concienciación presentada de cara ó verán, o colexio mestura os consellos acostumados para o coidado da pel coas novas recomendacións derivadas da 'nova normalidade', que ameaza con deixar para o recordo un verán atípico.
Malia o peche de piscinas e o establecemento de limitacións de aforo nas praias, o colectivo lembra a necesidade de empregar "un factor de protección alto" e evitar tomar o sol entre as 12 e as 16 horas. A campaña do colexio, "especialmente" dirixida ós afeccionados ó deporte en aberto, tamén chama a atención sobre os protectores de anos pasados. Sinalan que é preferible non empregalos xa que poderían ter perdido as súas propiedades protectoras.
