Por E.P. | PONTEVEDRA | 11/07/2020 | Actualizada ás 18:48
O candidato do PSdeG á Presidencia da Xunta, Gonzalo Caballero, fixo un chamamento a unha participación "masiva" nas eleccións autonómicas deste domingo. "Por un voto decídese un goberno", asegura.
En declaracións este sábado na xornada de reflexión nunha visita aos seus pais en Ponteareas (Pontevedra), apelou a que os cidadáns "voten en liberdade, polo progreso e polo benestar do país".
Deste xeito, chama a "que ningún galego quede na casa". "Se hai unha participación masiva gañamos todos", asegura o candidato socialista. Neste sentido, espera que haxa unha participación "alta" e con todos os mecanismos de seguridade, nunhas eleccións que supoñan "saír desta crise sen que ninguén quede atrás".
Así, Caballero apunta que afronta os comicios deste domingo tras unha campaña "en positivo", "con propostas, digna, honrada e ilusionante".
O socialista aproveitou esta xornada para saudar ás súas despois de ter "poucos momentos" para estar con eles en campaña. Preguntado sobre se pode durmir un candidato á Xunta antes dunhas eleccións, Caballero dixo que dorme "moi ben todos os días do ano", aínda que sexan "poucas horas". "Son dos que cando me meto na cama quedo durmido en menos de dous minutos e a verdade é que non teño ningunha dificultade", explicou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.