Morre un septuaxenario que non levaba o cinto de seguridade nun accidente en Muíños
O suceso tivo lugar ás 20,15 horas do domingo.
Por Europa Press / Redacción | OURENSE | 13/07/2020 | Actualizada ás 10:03
Un home de 70 anos de idade faleceu na noite deste domingo nun accidente de tráfico rexistrado ao saírse da vía o vehículo que conducía no termo municipal de Muiños (Ourense).
Segundo os datos facilitados por fontes da Garda Civil, este sinistro tivo lugar sobre as 20,15 horas deste domingo no quilómetro 9,500 da estrada OU-1202, que une Farnadeiros e Lobios, ao seu paso polo municipio de Muiños.
Neste sinistro faleceu o home J.A.B.B., de 70 anos de idade e veciño de Ourense, tras saída vía pola marxe dereita co vehículo que conducía. As mesmas fontes apuntaron que a vítima "non facía uso do sistema de retención" e as causas deste accidente atópanse en investigación.
