Vox non conta en Galicia, aínda que suma máis votos que Cs, Marea Galeguista e Pacma xuntos
A formación de Abascal colócase como quinta forza autonómica con máis de 25.000, pero moi lonxe dos 115.00 que recibiu nas xerais.
- Vox tacha de "acto heroico" o seu voto en Galicia e País Vasco fronte ás "hordas totalitarias"
- Vox denuncia "acoso e violencia" contra os seus apoderados na xornada electoral
Por Galicia Confidencial | SANTIAGO DE COMPOSTELA | 15/07/2020 | Actualizada ás 09:00
Pese a non propoñer candidato á presidencia da Xunta de Galicia, a formación ultradereitista Vox conseguiu amasar un total de 26.485 votos nas eleccións do pasado domingo 12. Uns resultados moi pobres se se comparan cos 115.000 apoios recibidos nas xerais de novembro de 2019 e que certifican que este partido pouco percorrido político ten en Galicia, polo momento.
Con todo, esas papeletas suman máis que Cs, Marea Galeguista e Pacma xuntos. Así, a Marea Galeguista de Pancho Casal, que partía como herdeira de En Marea, que conseguira máis 270.000 apoios en 2016, obtivo pouco máis de 3.000 papeletas.
Pola súa banda, tamén foron raquíticos os resultados de Ciudadanos, que tivo que conformarse con algo menos 10.000 apoios. Tamén adiantou as propostas animalistas de PACMA, que recibiron a confianza de 6.000 votantes.
Aínda que a agrupación ultra non superou o limiar do 5% que permite, chegou a recibir o 5% do totais dos votos en municipios como Ribeira.
