Estabilizado un incendio en Vilar de Barrio e extinguido o de Arteixo tras queimar nove hectáreas

Un incendio no municipio ourensán de Vilar de Barrio qdeclarouse ás 16,08 horas deste martes.

Segundo informa a Consellería de Medio Rural, o lume está "estabilizado" --aínda sen controlar-- desde as 16,59 horas. Traballan nas tarefas de extinción catro avións, un helicóptero, catro motobombas, sete brigadas e catro axentes.

Por outra banda, quedou extinguido ás 13,09 horas deste martes o lume de Arteixo, na parroquia de Suevos, tras arrasar nove hectáreas --oito de monte raso e unha arborada--.