Segue ardendo o incendio de Cualedro a pesar de estar controlado
Outro lume calcina 2,5 hectáreas no Incio.
Por Europa Press / Redacción | OURENSE | 02/08/2020 | Actualizada ás 20:53
O incendio orixinado no municipio ourensán de Cualedro segue ardendo aínda que está controlado desde as 15,37 horas deste sábado, tras tres días e un total de 1.535 hectáreas queimadas, de acordo coas últimas estimacións, sinalou a Consellería do Medio Rural. A superficie afectada converte a este incendio no máis grande de Galicia desde a vaga de incendios de 2017.
Ademais, está activo outro lume que comezou este domingo ás 16,54 no concello do Incio, na provincia de Lugo, e que calcinou 2,5 hectáreas. En concreto, afecta á parroquia de Trascastro e ao lugar desprazáronse un axente, sete brigadas, catro motobombas, unha pa, seis helicópteros e cinco avións.
Os efectivos de emerxencias lograron estabilizar a última hora do este venres o lume de Cualedro, que comezou ao mediodía do mércores na parroquia de San Millao e no que chegou a ser necesaria a activación da 'situación 2' pola súa proximidade ao núcleo de poboación de San Cristovo, en Monterrei. Do terreo queimado, 525 hectáreas son agrícolas e 1.010 forestais, segundo os datos provisionais.
