150 euros gratis se se gastan en hostalaría, comercio e cultura da Coruña

É un programa de incentivos do Concello da Coruña aos sectores económicos supón un investimento de 1,6 millóns de euros e arrinca o vindeiro luns.

Por Europa Press / Redacción | A CORUÑA | 05/08/2020 | Actualizada ás 13:53

Comparte esta noticia

O Concello da Coruña activa o luns, día 10, o plan de "incentivos" ao comercio, hostalaría e cultura con bonos por valor de 105 euros a cada cidadán para consumir neste tipo de establecementos. O total do investimento chegará aos 1,6 millóns de euros e a campaña estenderase ata o próximo 31 de novembro.

A alcaldesa, Inés Rey, fixo un chamamento a todas as empresas a que se adhiran á campaña, a través de Internet, e aos cidadáns a que descarguen os bonos que lles permitirán ter descontos de ata o 40% nas súas consumicións e compras. "A corporación estivo unanimemente de acordo", lembrou a rexedora na presentación da campaña.

A través dunha aplicación, os cidadáns poderán recibir 10 euros de desconto en compras de 30 euros ou máis en comercios locais; cinco euros en consumicións en hostalaría ou hotelería de 20 euros ou máis e un 40% de rebaixa nos bonos culturais para adquisicións de máis de 10 euros. Cada veciño maior de 14 anos poderá utilizar ata tres bonos en cada sector.

En canto aos autónomos ou empresas culturais, a contía é maior, explicou o concelleiro de Facenda, José Manuel Lage Tuñas, porque "hai menos consumidores en cultura comparativamente con comercio e hostalaría e é un sector moi castigado, polo que había que facer un esforzo moito maior".

FUNCIONAMENTO

"Cando unha persoa consumidora quere aplicar un bono, o comerciante introduce na app o importe da compra e aparece o desconto", relatou Lage Tuñas aos medios de comunicación e tamén explicou que os establecementos e autónomos que queiran adherirse á campaña deben facelo a través da web do plan Presco.

Segundo o responsable de Facenda, o proceso será "áxil" e facilitarase tanto a xestión como a rastrexabilidade para, dixo, "evitar calquera fraude". A Federación Unión de Comercios Coruñeses (FUCC) e a Asociación Provincial de Empresarios de Hostalaría da Coruña serán os encargados de xestionar as facturas emitidas polos emprendedores.

A alcaldesa tamén informou de que un total de 2.226 autónomos e micropemes da cidade xa solicitaron axudas ao Concello. Rey explicou que, desde o inicio da pandemia, a administración local mobilizou 15 millóns de euros para reactivar a economía.

Varias persoas gozan nunha terraza
Varias persoas gozan nunha terraza | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta