O Hospital Clínico de Santiago, segundo no mundo en implantar unha endoprótese de aorta abdominal

Os procedementos foron retransmitidos para máis de 20 centros hospitalarios de Europa, Asia e América Latina.

Por Galicia Confidencial | Santiago de Compostela | 14/08/2020 | Actualizada ás 12:33

Comparte esta noticia

O Servizo de Anxioloxía e Cirurxía Vascular da Área Sanitaria de Santiago de Compostela e Barbanza foi seleccionado para o lanzamento internacional dunha nova endoprótese de aorta chamada “Minos”.

Os doutores Nilo Mosquera e Jorge Fernández Noya realizando o implante da endoprótese.
Os doutores Nilo Mosquera e Jorge Fernández Noya realizando o implante da endoprótese. | Fonte: CHUS

Esta prótese está deseñada para o tratamento de aneurismas de aorta abdominal e, segundo o xefe do servizo, Nilo Mosquera “representa a última tecnoloxía que se pon a disposición dos médicos para o tratamento desta patoloxía, grave e complexa, que afecta ao 6% da poboación de máis de 65 anos, fundamentalmente masculina, e cuxo diagnóstico e tratamento precoz é primordial xa que a rotura dun aneurisma de aorta pode implicar unha mortalidade superior ao 50%".

O equipo cirúrxico do servizo de Anxioloxía e Cirurxía Vascular liderado polos doutores Nilo Mosquera e Jorge Fernández Noya realizou os 3 primeiros implantes e os doentes foron operados sen complicacións e xa recibiron a alta a domicilio.

Os procedementos foron retransmitidos dende un quirófano do Clínico para máis de 20 centros hospitalarios de Europa, Asia e Latino América, onde máis de 100 profesionais expertos neste campo puideron compartir a experiencia clínica do CHUS e formarse no uso deste novo dispositivo.

"O pequeno calibre da prótese facilita a eficacia dos peches percutáneos arteriais, o cal mellora moito o postoperatorio dos pacientes pois reduce a agresividade da intervención”, concluíu o doutor Mosquera.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta