Case un centenar de aspirantes optan a un papel en tres producións propias do Centro Dramático Galego

Un total de 92 actores e actrices que superaron a primeira fase do proceso presentaranse desde este luns ás probas de interpretación para seleccionar a 20 persoas para os elencos do tres próximas producións propias do Centro Dramático Galego (CDG).

As probas desenvolveranse ata o venres, 28 de agosto, e os elixidos integraranse no equipo do charco de Ulises, dirixida por Marián Bañobre e Santiago Cortegoso; Terceiro acto, de Andrea Jiménez e Noemi Rodríguez; e Serva me, servabo te, de Belén Bouzas, Fran Martínez e Diego M. Buceta.

Os 92 aspirantes superaron xa unha primeira fase de valoración dos perfís artísticos, á que se presentaron 348 candidatos.

Nas probas seguirase un protocolo de seguridade, con medidas específicas para cada caso, explicou a Xunta, que indicou que haberá quendas distintos desde as 10,00 ás 22,00 horas para limitar o número de persoas que coinciden no escenario e no resto de instalacións do CDG no Salón Teatro de Santiago.

Ademais, están a facerse test previos no caso dos aspirantes que se atopan entre a poboación máis vulnerable á enfermidade por razóns de idade.

Función no CdG XUNTA