Os músicos da romaría de San Campio abren os actos do Arquivo da RAG para o Día das Letras Galegas
Por Europa Press / Redacción | A CORUÑA | 14/05/2025 | Actualizada ás 19:44
O Arquivo da Real Academia Galega (RAG) estrea nesta semana central das Letras Galegas unha serie na que comenta imaxes históricas relacionadas dalgunha maneira coa poesía popular e as cantareiras, ás que a institución lle dedica o próximo 17 de maio.
A selección empeza cunha estampa "de especial forza e beleza", remarca a institución, en alusión a unha inmortalizada por José Prieto Guerra na popular romaría de San Campio de Santo Ourense de Entíns (Outes).
O pousado, que comenta a académica Margarita Ledo, evoca o canto tradicional do pobo. As pezas comentadas compartiranse na sección das Letras Galegas 2025 de academia.gal.
Todas elas forman parte do fondo arquivístico dixitalizado e está dispoñible en aberto en Galiciana-Arquivo Dixital de Galicia, explica a institución académica.
