Por Galicia Confidencial | SANTIAGO DE COMPOSTELA | 25/08/2020 | Actualizada ás 09:00
Novo enfrontamento en redes sociais a raíz dun conflito lingüístico. O derradeiro episodio vén de xestarse no concello ourensán de Barbadás, no extrarradio da cidade auriense. Segundo denuncia unha veciña da cidade, un restaurante situado no barrio da Valenzá "negouse" a atendela por ter empregado a lingua galega á hora de facer un pedido.
Hoxe a propietaria do Restaurante Estilo 46 ( A Valenzá) negouse a atenderme por utilizar a miña lingua!!! Ousou dicirme que eu son española!!!! #EuSonGalega #GalizaIsNotSpain #VaipaMadrí
— Ánxela (@nxela2) August 22, 2020
Segundo avanzou a muller nun chío -que dende o pasado sábado acumula centos de comentarios- o conflito coa propietaria do restaurante xurdiu a raíz dunha conversa telefónica para desenvoler un pedido. Unha vez especificados os pratos, á hora de sinalar un enderezo para entregar a comida, a dona do local -de orixe italiana- pediulle á muller que "falara español" ante a dificultade para comprender o nome da rúa sinalada.
A propietaria do local, que apuntou entón que "non compredía" o galego, pediulle á autora do chío -segundo apunta esta mesma nun post de Facebook- que falara castelán, algo ó que a denunciante se negou. "Galicia es España y tú eres española", espetoulle a dona do restaurante logo de que a muller pedira falar con alguén en galego porque "en Galicia debías entender".
O conflito, sempre segundo a versión da autora do fío, saldouse cunha nova interpelación na que a propietaria do restaurante acusou á outra muller de ser "a tola do BNG". Entre as respostas ó fío cóntanse múltiples mostras de apoio á muller, entre elas da Mesa pola Normalización Lingüística, que ofrece á autora do chío a posibilidade de tramitar unha queixa
Se queres podemos tramitar unha queixa a través da @Linhadogalego #Linhadogalego É importante denunciar para que nunca máis nos pidan que nos desculpemos por usarmos a nosa lingua. https://t.co/NIn0tQPVge
— A Mesa Normalización Lingüística (@amesanl) August 23, 2020
Apuntado quedou. Aquí umha familia sevillano-onubense-galega que vai todos os anos por Galicia e que nom vai pisar NUNCA semelhante estabelecimento. pic.twitter.com/FUNSDkRKhh
— O Fran P. 🛰️🏳️🌈🖤🇪🇺 (@VarelaAltamira) August 23, 2020
Ese restaurante ten fama de que non tolera que lle leven a contraria. De feito, hai algunhas opinións en Google nas que critican algúns aspectos do local e as respostas dos donos son de moi mala educación. A verdade, non me sorprende o que comentas.
— Iván 🏳️🌈 (@Mskina) August 23, 2020
Con todo, nas respostas ó chío tamén se contaron testemuñas e opinións que contrastan coa ofrecida pola muller.
Eu teño comido varias veces alí e nunca tivemos ningún problema. Moitas veces faemos problemas de malentendidos.
— charovalado (@charovalado) August 23, 2020
Mui raro me parese @nxela2 . No seu momento ofreceuse a ensinarme italiano se eu lle ensinaba galego.
— OdeGharsia (@pgharsia) August 23, 2020
Eu sempre lle falei en galego e nunca tal me dixo... A ver se vai ser outra cousa??
— Pedra do Labirinto (@PedraDLabirinto) August 23, 2020
Vaia, síntoo... Eu fun o mes pasado, falei en galego (coma sempre) e non tiven problema...
— Olga Brañas (@OlgaBranhas) August 24, 2020
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.