Acusacións de "corrupción" e "caciquismo" a Baltar logo da fichaxe dun alcalde ex militante do BNG
Xa son tres alcaldías as sumadas polo PP Ourensán no mes de agosto.
- A nova fichaxe do PP de Baltar: un alcalde amigo dos independentistas
- BNG e PSdeG acusan ao PP de propiciar prácticas "caciquís" ao impulsar a moción de censura en Viana do Bolo
Por Galicia Confidencial | SANTIAGO DE COMPOSTELA | 27/08/2020 | Actualizada ás 22:20
Sucédense as mostras de rexeitamento ó PP ourensán e o seu líder José Manuel Baltar logo de que a formación anunciara a fichaxe do alcalde de San Xoán de Río, Xosé Miguel Pérez, que simpatizou na súa mocidade coa organización independentista AMI, e logo militou no BNG, no MGS e, finalmente, en Anova, antes de fichar polo PPdeG.
"Xosé Miguel encarna perfectamente as características que definen ao Partido de Ourense: centrismo, galeguismo, reformismo e municipalismo”, destacaba Baltar no anuncio da nova fichaxe. O alcalde, un ex do BNG próximo ó independentismo, apuntaba a causas máis mundanas: "O diñeiro vai ser limitado e hai que buscar axuda das administracións para apoiar os proxectos que queremos ter non concello".
Nunha dimensión semellante se expresaron os usuarios de twitter que en horas seguintes acusaron ó rexedor popular de estar a desenvolver prácticas asentadas no "caciquismo" e a "corrupción".
O que está a facer Baltar en Ourense ten nome propio. Castrelo do Miño, Viana do Bolo e agora San Xoán de Río... O PP “gaña” en 2 semanas (casualmente d agosto) con practicas mafiosas 3 alcaldías q a cidadanía lle negou nas urnas. A corrupción ten motias caras. Esta é unha delas.
— Rubén Cela (@rubencela) August 26, 2020
Cantos miles de euros serían precisos para obrar a milagreira conversión de Xosé Miguel Pérez, alcalde de San Xoán de Río?
— Haiga TV (@HaigaTv) August 26, 2020
Isto supera ao San Benitiño de Lérez. pic.twitter.com/XRTyajYKPN
Todo o apoio da dirección do @obloque ao BNG de Viana e ao seu alcalde lexítimo, Secundino Fernández, diante da moción de censura que busca corromper a vontade do pobo e alimentar o baltarismo. Non o permitiremos, Ourense merece dignidade! pic.twitter.com/spbEpnhQSv
— Noa (@noaourense) August 26, 2020
En palabras de Manuel Baltar "Xosé Miguel encarna perfectamente as características que definen ao Partido de Ourense: centrismo, galeguismo, reformismo, transfuguismo, caciquismo e municipalismo" https://t.co/jIEK2hTUhX
— o David Sensações (@tuzarest) August 26, 2020
Os Ourensáns non somos cidadáns. De pouco serve o que votemos que o señor Baltar muda todo coa forza do diñeiro. Compre lexislar contra a compra de alcaldes, concelleiros e cargos públicos. #StopCaciquismo pic.twitter.com/pdyM2K8kce
— Serxio María 🛰🇪🇺 (@SerxioMaria) August 26, 2020
Tamén houbo quen tirou de humor para enfrontar unha situación que non é nova.
Se tiveches hoxe moito curro, lembra que hai alguén que actualiza o Excell en que Baltar apunta os favores que debe
— O'Iván (@echeoqhai) August 26, 2020
Castrelo, Viana, Rio, Ourense.....Non sería desatinado dicir que Baltar está a facer o agosto. Non si?
— Luis Seara (@LuisSeara2) August 26, 2020
Esto sólo lo cambia Baltar. https://t.co/o9hvK5P2S3
— V de voltaremos (@XVoltaremos) August 26, 2020
— O Martiño (@o_martinho) August 26, 2020
3 NOVAS ALCALDÍAS QUE PODERÍAN SER 4
A incorporación do rexedor de San Xoán de Río eleva as alcaldías do PP na provivincia ata 60, cando a comezos do verán eran apenas 57. Ao longo deste mes de agosto o grupo provincial do PP conseguiu sumar 3 novos consistorios, entre os que se atopan o de Castrelo de Miño e o de Laza. A día de hoxe o PP segue á espera da moción de censura de Viana, que lle podería outorgar a súa alcaldía número 61.
