Preto de 40 hectáreas queimadas por cinco lumes consecutivos en Manzaneda nunha mesma noite

e o incendio de Viana do Bolo queima 40 hectáreas

Por Europa Press / Redacción | SANTIAGO DE COMPOSTELA | 02/09/2020 | Actualizada ás 11:17

Comparte esta noticia

O municipio ourensán de Manzaneda rexistrou a pasada noite cinco incendios forestais, dos que un, que se atopa estabilizado, rolda as 20 hectáreas, informou este mércores a Consellería do Medio Rural.

En concreto, este lume comezou ao redor das 22,13 horas do martes na parroquia de Reigada e quedou estabilizado ás 4,51 horas. As primeiras estimacións apuntan a que queimou 20 hectáreas e para extinguilo mobilizáronse ata o momento un técnico, tres axentes, 12 brigadas, sete motobombas e unha pa.

A consellería destacou que se rexistraron outro catro incendios esta noite, a horas nas que os medios aéreos xa non podían actuar. Un deles foi tamén na parroquia de Reigada, mentres que outros dous comezaron en San Miguel de Bidueira e un máis foi en Cernado. Estes catro afectan a superficies inferiores a 20 hectáreas.

Por outra banda, está estabilizado desde pouco antes das 5,00 horas deste mércores un incendio que afectou a máis de 20 hectáreas na parroquia de Vilarmeao, en Viana do Bolo (Ourense).

Empezou ás 22,41 horas e as estimacións máis recentes calculan que calcinou 40 hectáreas. Para o control das chamas mobilizáronse ata agora catro axentes, nove brigadas, oito motobombas e dúas pas.

A Unidade Militar de Emerxencias traballa na extinción do incendio en Lobios
A Unidade Militar de Emerxencias traballa na extinción do incendio en Lobios | Fonte: UME.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta