A USC ofrecerá créditos ó alumnado que axude a vixiar o cumprimento do protocolo
A oferta vén de recibir críticas por parte do alumnado.
Por Galicia Confidencial | SANTIAGO DE COMPOSTELA | 08/09/2020 | Actualizada ás 21:35
Enésima polémica a respecto do regreso ás aulas. A Universidade de Santiago de Compostela fixo pública na mañá deste martes unha oferta dirixida ó alumnado que queira velar polo cumprimento dos protocolo anticovid. O programa, malia tratarse dun voluntariado, ofrece como contraprestación unha dotación que pode chegar ata os tres créditos universitarios.
O ofrecemento da Universidade, que contemplaría apoiar ós responsables covid no cumprimento do protocolo -ventilación, limpeza, distancias, etc- vén de recibir unha variedade de respostas por parte dos alumnos, dende os máis críticos ós que adiantan que participarían na medida.
Si me aprueban los Tributarios hasta le limpio la facultad. https://t.co/YMRIJbTCyv
— Marqués de Blar (@marquesdeblar) September 8, 2020
Cando haxa que construir algunha facultade nova tamén pediran que o fagamos os e as alumnas a cambio de créditos..? en fin: a decadencia dunha universidade pública centenaria diante da nosa faciana. https://t.co/xDGCOwW362
— Serxio María 🛰🇪🇺 (@SerxioMaria) September 8, 2020
Esto xa non ten nin nome... https://t.co/IkFyoCMtNT
— 😷O Martiño alfonso😷🐲🦁 (@Martioalfonso1) September 8, 2020
O proxecto de voluntariado da USC contemplará -como é común nestas ofertas- unha parte formativa previa, que neste caso será ofrecido de xeito telemático. Os alumnos interesados deberán dedicar un mínimo dunha hora ó programa, que estará repartido en quendas de tarde e mañá.
