Críticas ó Correo Gallego polo seu "ataque" a un centro que esixiu aprazar o inicio do curso

Continúan as polémicas do inicio de curso máis movido que se lembra. O derradeiro episodio de enfrontamento entre centros e Consellería vén de salpicar a El Correo Gallego, que na xornada de onde publicou un editorial crítico co IES compostelán Rosalía de Castro polo que veñen de choverlle críticas nas redes sociais.

No texto, o xornal santigués acusaba á dirección do centro -que unhas xornadas atrás presentou a súa dimisión- de "desentenderse de malas maneiras" da responsabilidade correspondente, á vez que gababa a actitude de Román Rodríguez. "Fai o conselleiro o que debe", destacaron. O editorial xa recibiu múltiples mostras de rexeitamento frontal.

O ataque de "El correo gallego" á dirección do "Rosalía d Castro" e demais institutos d Santiago ademais de inxusto é un erro. Xa se sumaron os instituts d Pontevedra na protesta. Seguirán todos. Defenden saúde do alumnado dunha consellería e Xunta incompetente.

— Suso De Toro (@SusodeToro1) September 10, 2020

Non, @elcorreogallego, no Rosalía de Castro non falta valentía, sobra responsabilidade. Non tedes nin idea do que supón crear grupos sen saber aínda o profesorado dispoñible, con cambios de plans e instrucións e sen recursos. Calade a boca, que sodes a vergonza da cidade! 😡 pic.twitter.com/gqJgCS0RIc

— Iria Mariño (@Parrulinha) September 10, 2020

Clasista, obsequioso, servil, oportunista, inxusto e mendaz. O panfleto de El correo contra o IES Rosalía de Castro nin sequera é concibible. Por se alguén precisa purgarse. https://t.co/6m1pxvnno4

— Profesorado en pé (@ProfesoradoP) September 10, 2020

Hoxe El Correo Gallego saca un editorial fetén (que non penso enlazar) apupando a dirección e ANPA do IES Rosalía de Castro por unirse á chusma na reivindicación dos seus dereitos. Rosalía, nós que practicamente te considerabamos privado e resultaches ser un burdo centro público!

— serióloga (@seriologa) September 10, 2020

Algúns apuntaron de xeito particular á actitude do diario logo de que a Xunta cedera ás presión de centros e anpas e decidira aprazar o comezo das aulas.

Supoño que @elcorreogallego publicará unha desculpa ao IES Rosalía de Castro, despois do lamentable editorial de hai 2 días, agora que a Consellaría decidiu adiar o inicio das clases en secundaria, non? #prensaconcertada

— O Román (@romanlandin) September 11, 2020