Declaran estabilizado o incendio no Parque do Xurés en Muíños tras queimar unhas 150 hectáreas

O incendio forestal procedente de Portugal que afecta o Parque Natural do Xurés no municipio de Muíños  foi estabilizado na tarde deste xoves tras queimar unhas 150 hectáreas.

Así o informou a Consellería do Medio Rural, que indicou que o lume afecta á parroquia de Prado de Limia e as últimas estimacións sitúan a superficie calcinada nunhas 150 hectáreas.

Este incendio, segundo os datos facilitados por Medio Rural, entrou a pasada noite procedente de Portugal e, en Galicia, afecta á parroquia de Prado de Limia.

No lugar traballaron ata o momento seis axentes, 16 brigadas, 10 motobombas, dúas pas, seis helicópteros e dous avións.

Incendio forestal no Parque Natural do Xurés | Fonte: Emerxencias Ourense @EmerxenciasOu