Activo un incendio forestal en Rodeiro que afecta xa a máis de 20 hectáreas

A Consellería do Medio Rural informou este domingo de que permanece activo un incendio forestal no concello pontevedrés de Rodeiro, na parroquia de Carboentes. En concreto, detallou que o lume se iniciou ás 14.26 horas deste domingo e, segundo as últimas estimacións, afecta a unha superficie de máis de 20 hectáreas.

Para a súa extinción mobilizouse a dous técnicos, catro axentes, nove brigadas, sete motobombas, dúas pas, seis helicópteros e seis avións. Con todo, a Xunta lembrou que a cidadanía ten á súa disposición o número de teléfono gratuíto 085 en caso de detectar algún incendio.