Morre un operario da construción atropelado por un camión de obra en Fene
Por E.P. | Ferrol | 21/09/2020 | Actualizada ás 13:28
Un operario da construción duns 60 anos faleceu sobre as 11,15 horas deste luns atropelado por un dumper de obra cando se participaba nos traballos de construción do novo supermercado de Mercadona, no polígono industrial de Vilar do Colo, en Fene.
Segundo informou o 112, a alerta sobre este accidente activouse ás 11,15 horas deste luns despois de recibir a chamada de alerta dun compañeiro, na que solicitaba a asistencia sanitaria urxente para este traballador.
Por parte do Centro Integrado de Atención ás Emerxencias de Galicia pasouse aviso aos profesionais Urxencias Sanitarias de Galicia-061, que, a pesar dos esforzos, nada puideron facer por salvarlle a vida. Segundo explicaron, a vítima estaba atrapaba baixo o camión, polo que, tamén foi necesaria a intervención dos Bombeiros de Ferrol e dos membros do GES de Mugardos.
Deste xeito, o traballador foi liberado, pero xa sen constantes vitais, confirmaron por parte do servizo de emerxencias, tras ser atropelado por un camión para o transporte de material lixeiro. Ao lugar, acudiron, ademais de persoal sanitario, efectivos de Bombeiros de Ferrol, do GES de Mugados, Garda Civil e Policía Local de Fene.
