Admitidas 832 persoas no proceso de selección de 73 prazas policías locais para concellos
Presentaranse 958 persoas.
Por E.P. | SANTIAGO DE COMPOSTELA | 02/10/2020 | Actualizada ás 13:39
Un total de 832 persoas foron admitidas para optar a 73 prazas no proceso selectivo unitario para a Policía Local en diversos concellos galegos, segundo a relación provisional de persoas admitidas e excluídas que publica este venres o Diario Oficial de Galicia (DOG).
Diso informou a Vicepresidencia da Xunta nun comunicado, no que explica que, en total presentáronse 958 persoas, das que 832 foron admitidas e 126 excluídas por non haber acreditado diversa documentación.
O departamento autonómico sinalou que xa son máis de 80 os concellos galegos que teñen delegadas as competencias na selección dos seus auxiliares e policías locais na Xunta. As prazas asignadas desde que empezaron os procesos de selección na Academia Galega de Seguridade Pública (AGASP) elévanse a 250.
Con data do 10 de xullo de 2020, o Diario Oficial de Galicia (DOG) fixo pública a convocatoria deste proceso de selección. A lista provisional de persoas admitidas poderá consultarse a través da páxina web oficial da AGASP http://agasp.xunta.gal.
