Por Europa Press / Redacción | SANTIAGO DE COMPOSTELA | 03/10/2020 | Actualizada ás 18:15
O Hospital Montecelo, en Pontevedra, detectou nos últimos días un gromo con polo menos tres positivos por coronavirus entre o persoal do servizo de Urxencias.
Segundo informan a Europa Press fontes da área sanitaria de Pontevedra-O Salnés, hai confirmados tres contaxios de COVID entre médicos que se produciron "fóra do hospital", tal e como subliñan.
Polo momento, "non hai plantas en corentena nin máis afectación", sinala a área sanitaria, que tamén asegura que se efectuarán cribados preventivos na mesma unidade. Con todo, fontes sindicais consultadas por Europa Press engaden un cuarto caso positivo en Urxencias do Montecelo, concretamente o dun técnico en coidados auxiliares de enfermaría (TCAE) detectado a raíz do cribado realizado no persoal.
A semana que vén, indican estas mesmas fontes, repetiranse as probas PCR neste servizo "por protocolo".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.