Os hoteis de Santiago asómanse ó abismo tras varios meses en mínimos históricos
Prevén que a ocupación deste mes sexa só 6%. En 2019 superou o 70%.
Por E.P. | SANTIAGO DE COMPOSTELA | 08/10/2020 | Actualizada ás 15:56
Os hoteis de Santiago prevén un esborralle da ocupación en outubro, de forma que quede nun 6% tras o impacto da pandemia. Diso alerta a Asociación Hostalaría Compostela, que apunta que a ocupación en outubro de 2018 e 2019 superou o 70%, uns 65 puntos por encima da que se espera para este ano.
Todo iso, despois de que a ocupación en setembro fose do 20% na capital de Galicia, tamén moi lonxe do mesmo mes en anos anteriores, cando se superaba o 80%. Precisamente, no mes de setembro o número de concursos de acredores disparouse máis dun 78% no sector da hostalaría en España.
Acumula 254 procedementos no que vai de ano, un 3,25% máis que no nove primeiros meses de 2019, mentres que o emprendimiento nas actividades hostaleiras caeu un 28,17%, segundo despréndese do 'Radar Empresarial de Concursos de Acredores e Creación de Empresas' elaborado por Axesor.
