Mil euros por fillo no Concello da Lama para impulsar a natalidade e o empadroamento

O prazo para solicitar acollerse a esta iniciativa finaliza o próximo 30 de outubro, e os impresos poderanse entregar nas oficinas municipais ou a través da vía electrónica.

Por E.P. | PONTEVEDRA | 16/10/2020 | Actualizada ás 18:22

Comparte esta noticia

O Concello da Lama ofrece mil euros a través da entrega dun "cheque bebé" no marco dunha campaña de fomento da natalidade e empadroamento. Esta contía outórgase por fillo nado ou adoptado entre o 1 de xaneiro e o 31 de decembro de 2019 e pagarase en dúas anualidades.

O prazo para solicitar acollerse a esta iniciativa finaliza o próximo 30 de outubro, e os impresos poderanse entregar nas oficinas municipais ou a través da vía electrónica.

Poderán ser beneficiarios destas axudas uno dos proxenitores ou adoptantes de menores con residencia fixada en municipio da Lama, no que debe de estar empadroado con 12 meses de antelación ininterrompidos, como mínimo, ao nacemento ou á adopción. Así mesmo, os beneficiarios deberán constar como empadroados tamén no momento de recibir as axudas.

As axudas por fillo nado ou adoptado serán de mil euros e, no caso de partos múltiples, terán dereito a obter un 40 por cento adicional por un segundo e 20 por cento polos seguintes. A subvención repartirase ao 50 por cento en dúas anualidades.

Como documentación, hai que presentar o DNI do solicitante, certificado de nacemento emitido polo Rexistro Civil ou copia da resolución xudicial no caso de adopcións. Tamén deberán entregar un certificado de convivencia, así como os correspondentes de Facenda e Seguridade Social que certifiquen que están ao día das obrigacións tributarias, xunto co certificado de titularidade de conta bancaria.

Fomento da natalidade. CONCELLO DA Lama
Fomento da natalidade. CONCELLO DA Lama | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta