Sanidade reduce ao 5,5% o seguimento da folga de médicos e destaca o cumprimento do 100% de servizos mínimos

CESM di que a nivel estatal secundárona en torno ao 85% dos profesionais.

Por Europa Press / Redacción | SANTIAGO DE COMPOSTELA | 27/10/2020 | Actualizada ás 14:02

Comparte esta noticia

A Consellería de Sanidade calculou que o 5,5% dos médicos secundou na quenda de mañá a folga convocada para este martes pola Confederación Estatal de Sindicatos Médicos (CESM). Ademais, destacou o cumprimento do "100%" dos servizos mínimos establecidos.

Segundo datos ofrecidos pola Consellería nun comunicado, a área sanitaria con maior seguimento foi a de Lugo-A Mariña-Monforte, co 9,1%, seguida da de Pontevedra-O Salnés, cunha participación do 8,1% sobre o total dos efectivos chamados á folga.

En canto ao resto, a área sanitaria de Ferrol rexistrou un seguimento do 7,9% e na de Ourense-Verín-O Barco de Valdeorras foi do 6,2%. De acordo cos datos de Sanidade, o seguemento da folga foi nas áreas sanitarias de Vigo  do 5,6%, en Santiago-Barbanza do 4,4% e na Coruña-Cee, do 1,5%.Ademais, a Consellería subliñou o seguimento "nulo", do 0%, en entidades adscritas como axencias, fundacións e empresas públicas dependentes.

Protestas do MIR. CESM
Protestas do MIR. CESM

Por parte da organización convocante, o presidente de CESM Galicia, Ramón Barreiro, explicou a Europa Press que a participación na Comunidade galega está a ser "dispar", con niveis "máis baixos" na Atención Primaria, e criticou que os servizos mínimos establecidos son "moi altos". A falta de datos concretos de Galicia, o propio sindicato cifra que a nivel estatal secundárona en torno ao 85% dos médicos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta