Os centros galegos recollen 1.181 positivos por COVID e 300 máis que hai unha semana

O avance na incidencia de casos de COVID-19 parece lonxe de remitir. Os positivos suman xa os 1.181 afectados, preto dun centenar máis respecto ao balance realizado polas autoridades sanitarias este sábado e 300 contaxios de incremento nos últimos sete días.

A tendencia apunta a un crecemento progresivo tanto no número de casos detectados nas escolas como nos positivos que permanecen en activo no sistema educativo, é dicir, que carecen de proba negativa que permita descartalos.

A situación obriga a manter pechadas polo menos 46 aulas en todo o territorio por decisión das autoridades sanitarias, ademais doutras unidades que ven afectadas por clausuras decididas polo propio centro, por protocolo ou por confinamentos preventivos.

Tamén permanece pechada unha escola infantil, a Golfiños de Lugo, con cinco positivos e reabriu o punto de atención á infancia de Boborás, que permanecía clausurado debido aos casos detectados no centro.

A evolución de casos activos nos centros vai en paralelo ao do resto da sociedade. Galicia conta a día de hoxe con 9.376, especialmente en Vigo, A Coruña e Santiago, dos que máis do 10 por cento son alumnos e docentes.

Do mesmo xeito, a área de Vigo mantense como o principal foco de contagios nos centros galegos con 313 casos en total e polo menos 12 aulas pechadas en varias gardarías e escolas da cidade olivica.

Este núcleo de poboación rexistra á súa vez o maior número de casos detectados ata agora nun centro desde o arranque do curso e o máis grave de Galicia desde o punto de vista o total de positivos.

En concreto, trátase de centro privado plurilingüe Santiago Apóstolo, que conta este martes con polo menos con 14 positivos. Tamén é reseñable a situación o CPR Lareira, en Mos, que mantén unha decena de casos por COVID-19 nas súas instalacións.

FERROL SEGUE EN AUMENTO

Os centros da área sanitaria coruñesa son os que contan con máis número de positivos despois da viguesa, con 197 casos e polo menos sete aulas pechadas. Por número de contagios, destacan o IES Maximino Romeu de Lema de Zas e o IES Agra de Leborís da Larcha, que presentan nove e oito positivos, respectivamente.

A zona de influencia de Santiago é a terceira en total de positivos, con 160 contagios. O CEIP Pio XII e o San José de Cluny, con oito casos, e o La Salle (con sete) son os puntos de maior incidencia na capital galega.

Ademais de Compostela, Pontevedra e Ferrol rexistran uns 135 e 133 casos, esta última pasando de ser unha das zonas con mes casos a experimentar un incremento exponencial na súa evolución epidemiolóxica.

Entre eles, destacan o IES Leixa de Ferrol con 8 contagios, o CIFP Ferrolterra con sete, ou o CEIP Plurilingüe Sacro Corazón de Jesús, de Pontevedra, con oito casos de COVID-19.

DOCE CASOS NO LUCUS AUGUSTI

Pola súa banda, a área de Lugo presenta 128 casos e a única escola pechada en toda Galicia nestes momentos, aínda que presenta situacións preocupantes como os 12 positivos confirmados no Lucus Augusti.

Ourense, pola contra, pasou de ser a zona de maior incidencia a situarse como a que rexistra menor número de positivos de toda a comunidade, con 115.

Alumnos en clase.