Detectados 3 positivos entre as 481 PCR realizadas no cribado de Ribadavia
Un total de 613 veciños estaban citados para participar neste cribado realizado na tarde do sábado no CEIP Alameda. Así, ao tomarse un total de 481 mostras, a participación alcanzou o 78,4 por cento.
Por Europa Press / Redacción | OURENSE | 15/11/2020 | Actualizada ás 20:53
O cribado que realizou o Servizo Galego de Saúde (Sergas) en Ribadavia o sábado desvelou tan só tres contaxios por coronavirus dun total de 481 PCR, o que supón unha positividade do 0,62 por cento.
Segundo informan fontes da área Sanitaria de Ourense-Verín-O Barco de Valdeorras, estes resultados permiten afirmar que a transmisión comunitaria é "moi limitada" en Ribadavia, municipio que este domingo contabilizaba 58 casos activos de COVID-19 e que desde o sábado atópase pechado perimetralmente e sen hostalaría.
Un total de 613 veciños estaban citados para participar neste cribado realizado na tarde do sábado no CEIP Alameda. Así, ao tomarse un total de 481 mostras, a participación alcanzou o 78,4 por cento.
En canto ao cribado previsto en Xinzo de Limia para este domingo, a área Sanitaria ourensá informa dunha participación do 81,5%, ao acudir 848 das 1.040 persoas convocadas ao Polideportivo o municipio.
