O Concello da Coruña pon en marcha unha nova edición de "Nocturnia" para o próximo fin de semana

O próximo fin de semana porase en marcha unha nova edición de 'Nocturnia', o programa de lecer saudable da área de Benestar Social do Concello da Coruña.

Este programa, organizado desde o Servizo de Participación e Mocidade, busca proporcionarlles alternativas de lecer e tempo libre a novos e mozos da cidade de entre 12 e 30 anos, segundo informa o consistorio.

A inscrición para as actividades do primeiro fin de semana abríronse este luns e as prazas asignaranse por rigorosa orde de solicitude, no portal web municipal de Participación Cidadá.

A partir de aí, a inscrición nas actividades poderá realizarse semanalmente a través da mesma enlace web. Esta edición preséntase nun formato especial, xa que, debido ás restricións e medidas de seguridade a consecuencia da pandemia, reduciuse a capacidade máxima das actividades tanto no exterior como no interior.

Isto fai que moitas destas sexan desdobradas e, por tanto, haberá dúas sesións por cada unha, en horarios diferentes, "co fin de poder ofrecer as mesmas prazas pero en pequenos grupos de participantes".

CORUÑA GRÁFICA

Por outra arte, este luns volven as actividades da plataforma 'Coruña Gráfica', que regresa en formato adaptado á pandemia. Deste xeito, a programación deste ano será 100% en liña, como anos anteriores promovida por Demo Editorial, en colaboración co Concello da Coruña.

'Coruña Gráfica' busca proxectar as potencialidades da escena creativa da cidade, neste caso respecto aos ámbitos da banda deseñada, ilustración, humor gráfico e animación.

A alcaldesa da Coruña, Inés Rey, nunha rolda de prensa. ANDY PEREZ - Arquivo