Remolcan ata A Coruña o buque quimiqueiro que levaba días á deriva tras sufrir un incendio

Efectivos de Salvamento Marítimo remolcaron este sábado ata o porto de Langosteira, na Coruña, un buque quimiqueiro que permaneceu 120 horas á deriva tras sufrir un incendio.

O buque, o Sukran C, rexistrou un incendio cando se atopaba fronte ás costas galegas e, como consecuencia, quedou á deriva a 150 millas do litoral. O equipo de Salvamento Marítimo estivo pendente desde Fisterra e desde Madrid todo o tempo para garantir a seguridade da tripulación e da carga. Actualmente xa está atracado en Langosteira.