Seis contaxiados no centro de atención á discapacidade de Sarria mentres decreden os casos en residencias
Nestes momentos o número total de afectados en centros de maiores son 265 logo de saír do cómputo un positivo en Mos e outro en Pontevedra.
Por Europa Press / Redacción | SANTIAGO DE COMPOSTELA | 13/12/2020 | Actualizada ás 13:15
Un brote de covid-19 afecta o centro de atención a persoas con discapacidade de Sarria, onde hai un total de seis usuarios contaxiados, ademais dun traballador cuxo positivo fora notificado no parte do sábado.
Así figura na última actualización da situación nos centros residenciais da Comunidade galega difundida polas autoridades sanitarias na mañá deste domingo.
O número total de casos en centros de maiores redúcese en dous este domingo respecto ao sábado. Son agora 265 os usuarios contaxiados tras non notificarse ningún positivo novo e saír do cómputo un usuario de DoralResidencias de Mos por dar negativo e outro da Soremay de Pontevedra falecido nas últimas horas.
Deste xeito, a residencia Vila do Conde de Gondomar continúa como o xeriátrico con máis casos de covid-19 entre os anciáns de toda Galicia con 66 usuarios infectados. En segundo lugar está a Soremay de Pontevedra, con 40; en terceiro, o Asilo Vilalba, con 32; e en cuarto, a residencia Pontevedra de Vilaboa, con 31.
Tamén contan con grupos de maiores con covid-19 a Residencia Cesantes de Redondela (17), a San Antonio de Beariz (16), a San José de Narón (12), a San Salvador de Guntín (10), o CRAPD Vigo II (9), a DomusVi Vigo (9) e a Vivenda Comunitaria de Castrelo de Miño (8).
Ademais, hai cinco anciáns con coronavirus en DomusVi Ribadumia, catro en Nosa Señora das Virtudes de Pontedeume, outros dous no Apartamento Tutelado San Antonio de Beariz e un, respectivamente, na San Cibrao de Cervo, en Doral Residencias de Mos, en Nosa Señora dos Miragres de Barbadás e no CRAPD Vigo I.
TRABALLADORES DE RESIDENCIAS
Con respecto aos traballadores de centros xeriátricos, nas últimas horas descenderon a 162, un menos que o día anterior, despois de rexistrarse un positivo na Servisenior de Brión e un negativo na San Rafael de Mondoñedo.
Ademais, Política Social desconta do global a un empregado dun centro de Ortigueira "porque non se incorporou ao centro no momento de realizar a PCR".
Así, o Asilo Vilalba continúa este domingo como o centro co persoal máis afectado cun total de 29 casos. Séguenlle a residencia Soremay de Pontevedra e DoralResidencias de Mos, ambas as con 15.
Así mesmo, 14 traballadores teñen a covid na residencia Pontevedra de Vilaboa e 12 en Domusvi Ribadumia. O resto de centros que figuran no parte de Política Social mantéñense por baixo da decena.
CENTROS DE DISCAPACIDADE
Ademais, despois dun sábado no que non se contabilizaban casos de covid nos centros de discapacidade, o brote da CAPD de Sarria eleva os casos a 6, todos neste centro.
En canto aos persoais destas residencias, hai un total de sete contaxiados: un no propio centro de Sarria e o resto están a Chapela de Redondela, DoralResidencia de Mos, dúas en Fogar San Rafael de vigo, un en Souto de Leixa e outro en San Vicente de Paúl de Lugo.
