Sancionadas o 25% das persoas paradas en controis contra o covid este sábado
Realizaronse 800 controis de seguridade en todo o país.
Por Europa Press / Redacción | SANTIAGO DE COMPOSTELA | 27/12/2020 | Actualizada ás 21:25
Os máis de 800 dispositivos de seguridade despregados por Garda Civil e Policía o sábado no territorio galego deixaron un total de 192 propostas para sanción por incumprimentos das medidas de seguridade en Galicia.
Diso informou este domingo a Delegación do Goberno en Galicia, que cifra en 9.411 persoas e 3.329 vehículos os inspeccionados polos axente de Policía Nacional e Garda Civil que despregaron 818 controis na xeografía galega. A maior parte das sancións correron a cargo das patrullas da Garda Civil, que formularon 130 polas 62 dos efectivos da Policía Nacional.
As tarefas de control centráronse nas zonas de aglomeración de persoas, lugares de lecer e áreas de concentración de negocios de hostalaría. O delegado do Goberno, Javier Losada, destacou que as infraccións descubertas representan o 2% do total de inspeccións levadas a cabo, o que interpreta como unha mostra do compromiso da cidadanía, á que convida a continuar deste xeito durante o que resta de festas do Nadal.
