Entra a roubar nun local de Santiago e agóchase tralo aire acondicionado cando chega a Policía
Foi detido por un presunto delito de roubo con forza.
Por E.P. | SANTIAGO DE COMPOSTELA | 28/12/2020 | Actualizada ás 17:46
A Policía Nacional detivo a un home de 30 anos por un presunto delito de roubo con forza no interior dun establecemento comercial situado no barrio compostelán de Santa Marta. O home, informa o corpo, foi sorprendido roubando no marco dun dispositivo de prevención deste tipo de ilícitos que leva a cabo na comisaría compostelá.
A detención produciuse o pasado día 26, cando os axentes observaron a un individuo que, presuntamente, lograra acceder ao interior dun local comercial de Santa Marta fracturando a fechadura e o cadeado da porta de acceso. Unha vez no seu interior, os axentes observaron como se atopaba todo revolto e localizaron, escondido e parapetado tras un aparello de aire acondicionado, ao arrestado, xunto a unha caixa que contiña diñeiro en metálico.
O detido, que conta con múltiples antecedentes policiais, foi trasladado a comisaría para a instrución das oportunas dilixencias. Entre as súas pertenzas foi localizado un efecto subtraído do interior dun vehículo aparcado na Avenida de Barcelona o pasado día 25.
